Dr hab. Witosława Frankòwskô – kameralistka, etnomùzykòlożka, pedagòg Muzyczny Akademie we Gduńskù. Wëchòwónô w familie z wielelatnyma kaszëbsczima i mùzycznyma tradicjama, parłãczi artisticzno-nôùkòwé dzejanié z pòpùlarizacją dôwny i regionalny mùzyczi.
Jakno ùwôżónô realizatorka basso continuo kòncertowała w całi Eùropie. Wespółrobi z wiele bëlnyma solistama, Pòlską Kameralną Filharmònią Sopòt, Pòlsczim Kameralnym Chùrã, Kameralną Òrkestrą „Progress”, Elbińską Kameralną Òrkestrą, karnã Arte dei Suonatori.
Kómpònëje, òbrôbiô lëdowé i regionalné dokazë, je aùtorką mònografie Kolędowanie na Kaszubach. Dzieje kolęd na Pomorzu od XVI do XXI wieku (2015) a téż Spotkania z muzyką Kaszub (2021). Pòd ji redakcją wëszedł smarą leksykón Muzyka Kaszub. Materiały encyklopedyczne (2005), wëdôwnô seriô „Biblioteka Orkiestrowa Kaszub, Kociewia i Powiśla” (2014-2016), Kaszubski śpiewnik domowy (2014), Kaszubski śpiewnik bożonarodzeniowy (2015), Kaszubski śpiewnik szkolny (2016). Wespółtwòrzëła Słownik kaszubskich symboli, pamięci i tradycji kultury „Gniazdo Gryfa“ (2020). Òpùblikowała wiele artiklów sparłãczonëch z mùzyczną témizną regionu na starnach krajowëch i zagrańcowëch wëdôwiznów. Òd 2013 r. nôleżniczka Kaszëbsczégò Institutu.
Mieszkô we Wejrowie, dze òd 2002 r. prowadzy w Mùzeùm Kaszëbskò-Pòmòrsczi Pismieniznë i Mùzyczi cykl „Spotkania z muzyką Kaszub”.
Ùdostała dlô ùtwórstwa Pòmòrzégò wiele bëlnëch interpretatorów, zjiszczëła archiwalné nagrania dlô radia i telewizje, brała ùdzél we wëdanim platów z krãgù dôwny mùzyczi (m.jin. TACET’s Four Seasons 2008, Navigare 2018) a téż regionalny mùzyczi (Mòrze 2004, Ptôszkòwie na lëpie 2006, Gdze mòja chëcz 2006, Kaszuby w pieśni artystycznej 2013).
Dobiwczka Medalu Stolema (2006) i Nôdgrodë Remùsa (2014).
Matka Jana (analitik w Jinstituce Sztrukturalnëch Badérowaniów we Warszawie), Zofie (graficzka we Warszawie) i Jerzégò (sztudéra ekònomie na Gduńsczi Pòlitechnice).
