Miłosława Bòrzëszkòwskô-Szewczik – prof. GÙ, germanistka, lëteraturoznajôrka z antropòlogicznym wezdrzenim, adiunkt z Instituce Germańsczi Filologie Gduńsczégò Ùniwersytetu, czerowniczka Warkòwni Badérowaniów nad Òpòwiedniama Pamiãcë Pògrańczô, przédniczka Stowôrë Güntera Grassa we Gduńskù.
Sztudia germańsczi filologie (i kùlturoznajôrstwa) na Jagellońsczim Ùniwersytece, Universität Leipzig i Gduńsczim Ùniwersytece, doktorancczé na GÙ i Ruhr-Universität Bochum (Ost-West-Promotionskolleg, téma: Migrationen. Menschen und Ideen unterwegs im Europa der Moderne). 2008 – òbrona doktorsczégò dokazu na témã: Etos pruski i kultura pamięci. Literatura wspomnieniowa szlachty pruskiej z Pomorza Zachodniego i Prus Wschodnich po 1945 r. (òpùblikòwónô jakno Pamięć dla przyszłości. Literatura wspomnieniowa szlachty pruskiej z Pomorza Zachodniego i Prus Wschodnich po 1945 r., Wrocłôw: Atut 2009, w serie Zrozumieć Niemcy, red. Edward Białek i Leszek Żyliński). Habilitacyjny dokôz: Jüdische Gedächtnistopographien im Grenzraum. Autobiographik nach 1945 von Autoren jüdischer Herkunft aus dem Pommernland (Pommerellen und Hinterpommern). Gduńsk 2019.
Nôùkòwé zaczekawienia:
- lëteratura pòlskò-niemiecczégò kùlturowégò pògrańczô (w tim Gduńska, Kaszëb i Pòmòrzô)
- aùtobiografika niemiecczi szlachtë ze Zôpadnégò Pòmòrzô i Wschòdnëch Prësów
- aùtobiografika aùtorów żëdowsczégò pòchòdzënkù tikającô sã pòlskò-niemiecczégò kùlturowégò pògrańczô, òsoblëwie Pòmòrzô i Gduńska
- gduńsczé i pòmòrsczé juwernotë i pamiãcë (w tim pòstpamiãc); lëteracczi tekst jakò medium i reprezentacjô pamiãcë.
Je wespółaùtorką i/abò wespółredaktorką historiczno-lëteracczich prowadników: Śladami żydowskimi po Kaszubach. Przewodnik / Jüdische Spuren in der Kaschubei. Reisehandbuch, München 2010, wespół z Christianã Pletzingã a téż Kaszubski wanożnik po Gdańsku. Znaki i miejsca w przestrzeni kulturowej Miasta (wespółaùtorstwò z Bògùmiłą Cërocką i Cezarim Òbracht-Prondzyńsczim), Gduńsk 2019. Pòd redakcją MBS ùkôzałë sã m.jin. Bild – Reflexion – Dialog. Interkulturelle Perspektiven in der Literatur und im Theater, „Studia Germanica Gedanensia”, Bd. 31, Gduńsk 2014, wespół z Elizą Szëmańską i Anastasią Telaak a téż Günter Grass – Odpominania. W 90. rocznicę urodzin / Entinnerungen. Zum 90. Geburtstagsjubiläum, Gduńsk 2017.
