Dr Magdaléna Lemańczik (ùr. 1980) – socjolożka, adiunkt w Zakładze Sztudiów nad Niemcama w Instituce Pòliticznëch Sztudiów Pòlsczi Akademie Nôùków.
Absolwentka czerënkù socjologiô w Instituce Filozofie i Socjologie Gduńsczégò Ùniwersytetu (2006). Stãpiéń doktora hùmanisticznëch nôùków dostała w Instituce Socjologie Ùniwersytetu m. Adama Mickewicza w Pòznaniu (2013). Wëkònôwczô redaktorka nôùkòwégò cządnika International Sociological Association-Research Committee 25 „Language, Discourse & Society”. Nôleżniczka redakcjowëch karnów nôùkòwëch cządników: „Rocznik Polsko-Niemiecki” i SOCIETY REGISTER.
Nôleżniczka International Sociological Association (ISA), ISA Research Committee Language & Society (RC25), Deutsche Gesellschaft für Soziologie – Sektion Migration und ethnische Minderheiten, w latach 2014-2019 nôleżniczka Zarządu Sekcje Socjologie Etnicznotë Niemiecczi Mniészëznë ze sedzbą w Òpòlu. Trzimô fùnkcjã òrganizacjowégò sekretérë Kòmitetu Socjologie PAN (lata 2020-2023). Òd 2016 rokù nôleżniczka Kaszëbsczégò Institutu.
Ji nôùkòwé zaczekawienia òbjimają problematikã nônowszich pòlskò-niemiecczich òdnieseniów, stojiznë imigrantów i imigrantków w Niemcach i w Pòlsce, niemiecczi mniészëznë w Pòlsce pò 1989 r., sprawë dwa- i wielejãzëkòwòscë a téż jakòscowëch socjologòwëch techników.
