Dark Majkòwsczi – robòtnik Mùzeùm Kaszëbskò-Pòmòrsczi Pismieniznë i Mùzyczi we Wejrowie, zôstãpca przédnégò redaktora miesãcznika „Pomerania”, doktór hùmanisticznëch nôùków, nôleżnik Radzëznë Kaszëbsczégò Jãzëka. W latach 2004-2005 przédny redaktór pismiona „Zwónk kaszëbsczi”, 2010-2011 przédny redaktór tidzenika „Gazeta Kościerska”, 2012-2016 przédny redaktór miesãcznika „Pomerania”, òd 2006 do dzysô redaktór prowadzący lëteracczé pismiono „Stegna”. Robił za gazétnika téż w Radio Kaszëbë, prowadzył programë w TVG i Twòji Mòrsczi Telewizje.
Je aùtorã abò wespółaùtorã ksążków: Tatczëzna. W miono Bòsczi nôrodni wzénik, Magnificat Kaszubów w Ziemi Świętej, Stôri Testament w òbrôzkach. Bibliô dlô dzecy, Werónka w przedszkòlu, Werónka nad mòrzã, Werónka chce zwierzątkò, Med Slovani / Among the Slavs, Nowi Testament w òbrôzkach. Bibliô dlô dzecy, Przigòdë Remùsa. Na Pùstkòwiu, Ùcz sã jãzëka z kaszëbsczima nótama, Pòd òkã Jastrë. Òpùblikòwôł kòl 150 pùblicysticznëch artiklów, wëdowiedzów i recenzjów. Jegò òpòwiôdania bëłë wiele razy nôdgrodzoné òb czas Òglowòpòlsczégò Prozatorsczégò Kònkùrsu m. Jana Drzéżdżona.
Tłómacził na kaszëbsczi jãzëk czilenôsce ksążków, wiele nôùkòwëch artiklów i lëteracczich dokazów. Wëkłôdô kaszëbsczi jãzëk i kaszëbsczi regionalizm na Gduńsczim Ùniwersytece i Ùniwersytece Mikòłaja Kòpernika w Torniu.
Dostôł sztipendium dlô gazétników m. Izabelë Trojanowsczi i ùtwórczw sztipendium w òbrëmim rozszerzwianiô kùlturë przëznóné przez Minysterstwò Kùlturë i Nôrodny Spôdkòwiznë.
