Daniél Kalinowsczi – zwëczajny profesór habilitowóny doktór hùmanisticznëch nôùków. Òd 1996 r. robi na pòlonistice Pòmòrsczi Akademie w Słëpskù. Doktorizowôł sã w òbrëmim pòlsczi lëteracczi afòristiczi XIX wiekù. Habilitacjã ùdostôł na spòdlim dokazu ò pòlsczi recepcje ùtwórstwa Franza Kafczi.
W słëpsczi ùczbòwnie wëpromòwôł cziledzesąt licencjatów i magistrów a téż czile doktorów lëteraturoznajôrstwa. W Pòmòrsczi Akademie trzimôł fùnkcje: czerownika Zakładu Antropòlogie Lëteraturë i Kaszëbskò-Pòmòrsczich Badérowaniów w Instituce Pòlonisticzi, prodzekana Filologiczno-Historicznégò Wëdzélu, czerownika Sztudiów Trzecy Rówiznë, dzekana Filologiczno-Historicznégò Wëdzélu Pòmòrsczi Akademie i dzysdnia direktora Doktorsczi Szkòłë.
Témiznowi redaktór nôùkòwégò cządników „Acta Cassubiana”, „Nasze Pomorze”, przédny redaktór „Biuletinu Radzëznë Kaszëbsczégò Jãzëka”. Nôleżnik Programòwëch Radzëznów Mùzeùm Kaszëbskò-Pòmòrsczi Pismieniznë i Mùzyczi we Wejrowie i Mùzeùm Westrzédnégò Pòmòrzô w Słëpskù. Stipendista Fùndacji dlô Pòlsczi Nôùczi. Wëkònywôcz badérnëch zadaniów w projektach Nôrodnégò Centrum Nôùczi i Nôrodnégò Programù Rozwiju Hùmanisticzi. Nôleżnik Kòmisje Nôùczi ò Lëteraturze Pòlsczi Akademie Nôùków, Kaszëbsczi Kòmisje Pòlsczi Akademie Ùmiejãtnoscë, The Society for the Study of the Multi-Ethnic Literatures of the World i Radzëznë Kaszëbsczégò Jãzëka. Nôleżnik Zarządu Kaszëbsczégò Institutu.
Nôùkòwé zaczekawienia: lëteratura, dramaturgiô i kaszëbskòjãzëkòwi teater, bùddijskô kùltura w pòlsczi tradicje, żëdowsczé mòtiwë w pòlsczi lëteraturze, pòlskô recepcjô ùtwórstwa Franza Kafczi. Aùtór ksążków: Określanie horyzontu. Studia o polskiej aforystyce literackiej XIX wieku; Światy Franza Kafki. Sekwencja polska; Raptularz kaszubski; Żydzi polscy i pomorscy. Studia o ludziach i literaturze; Sylwa kaszubskie; Pasaże kaszubskie; Cztery Szlachetne Prawdy. Motywy buddyjskie w literaturze polskiej do czasów pozytywizmu; Teatr kaszubski. Fenomen. Formy. Środowisko a téż we wespółaùtorstwie z Adelą Kùjik-Kalinowską: Od Smętka do Stolema. Wokół literatury Kaszub; Trzy Skarby. Motywy buddyjskie w Polsce; Literatura kaszubska. Rekonesans. Wespółredaktór wëdôwny serie „Wielkie Pomorze” z tomama: Tożsamość i wielokulturowość; Kultura i sztuka; Wierzenia i religie; Społeczności i narody, Wojna i pokój oraz Gryfici i ich dziedzictwo. Redaktór wëdôwny serie ò sacrum w lëteraturze: Sacrum sekularne; Sacrum w doświadczeniu kobiet; Pogranicza sacrum w medium literatury i Sacro-pop. Redaktór wiele zbiérnëch mònograficznëch dokazów, m.jin.: Droga na Wschód. Polskie inspiracje orientalne; Twórczość Franza Kafki. Tożsamość kulturowa i literacka; Po żydowsku. Tradycje judaistyczne w literaturze i kulturze; Lech Bądkowski. Literatura i wartości; Szalom Asz. Polskie i żydowskie konteksty twórczości; Franciszek Fenikowski. Kaszuby na nowo opisane; Edukacja kaszubska. Tradycje, aktualność, perspektywy, [wespółred. A. Kùjik-Kalinowskô]; Aleksander Labuda. Życie. Literatura. Mit; Geografia wyobrażona regionu; Tłumaczenia z kaszubskiego. Osoby, techniki i perspektywy; Świat dramatów Szaloma Asza; Kulturowe projekcje Słowian w tradycji polskiej; Szalom Asz dialogiczny; Pasieka wyobraźni. O twórczości Józefa Chełmowskiego [wespółred. T. Semińsczi]; Òd „Skôrbu” do „Stegnë”. 150 lat czasopiśmiennictwa kaszubskiego; Emigracja kaszubska. Zjawisko. Ludzie. Ośrodki; Kaszëbskô smara. Oficyny wydawnicze Kaszub.
