Ana Kwasniewskô, etnolog, historik kùlturë, robi na stanowiszczu profesora w Instituce Antropòlogie Gduńsczégò Ùniwersytetu. Aùtorka m.jin. mònografie: Badania etnologiczne na Kaszubach i Pomorzu Wschodnim w XIX i XX wieku. Ludzie, instytucje osiągnięcia badawcze (Gduńsk 2009). Wespółaùtorka i redaktorka zbiérnëch dokazów, w tim Jem jô rëbok….Rybołówstwo na Kaszubach – tradycja i współczesność (Wieżëca 2014). Brała ùdzél jakno czerownik i wëkònywôcz we wiele badérnëch projektach, w tim w: Kulturowe wymiary chorób rzadkich na podstawie niedoboru LCHAD. Studium porównawcze Polski i Finlandii (czer. dr hab. Małgòrzata Rajtar). W latach 2013-2017 czerowała projektã realizowónym w òbrëmim Nôrodnégò Programù Rozwiju Hùmanisticzi Niematerialne dziedzictwo kulturowe Pomorza Wschodniego. Aùtorka cziledzesąt artiklów, scenarników i katalogów mùzeòwëch wëstôwków. Badérné zaczekawienia: etnologiô/antropòlogiô Kaszëb i Pòmòrzô, niematerialnô kùlturowô spôdkòwizna, spòlëznowé pòzmianë i kùlturowô spòdkòwizna Zôpadnëch i Nordowëch Zemiów, historiô etnologicznëch badérowaniów na Pòmòrzim.
Nôleżniczka Pòlsczégò Lëdoznajôrsczégò Towarzëstwa, Kaszëbsczégò Institutu, Kaszëbsczi Kòmisje PAÙ. Wëprzédnionô m.jin. złotą òdznaką „Zasłużony Działacz Kultury” i złotą òdznaką „Za opiekę nad Zabytkami”, nôdgrodą rektora GÙ, medalã Gduńsczégò Òddzélu Stowôrë Lëdowëch Ùtwórców, wëprzédnienim za didakticzné dobëca na Gduńsczim Ùniwersytece.
