Agniészka Bednark-Bòhdzewicz – dr hùmanisticznëch nôùków, lëteraturoznajôrka i kùlturowô antropòlożka. Robi na Gduńsczim Ùniwersytece w Instituce Antropòlogie. Wespółrobi z Pòmòrsczim Centrum Badérowaniów nad Kùlturą GÙ. Nôleżniczka Kaszëbsczégò Institutu, wiceprzédniczka Pòmòrsczégò Filozoficzno-Teòlogicznégò Towarzëstwa (òd 2021 r.).
Aùtorka ksążczi Homo capax, capax hominis. Z problematyki antropologicznej w późnej twórczości Adama Mickiewicza (seriô: Dissertationes Laudatissimae Universitas Gedanensis, Gduńsk 2019; Nôdgroda Partu PAN we Gduńskù dlô młodëch ùczałëch za nôlepszi ùtwórczi dokôz w òbrëmim hùmanisticznëch i spòlëznowëch nôùków). Pùblikowała m.jin. w „Kontekstach”, „Slavii Meridionalis”, „Ruchu Literackim” i zbiérnëch tomach. Jakno redaktorka wespółrobi z nôùkòwima cządnikama „Karto-Teka Gdańska” i „Etnografia. Praktyki, Teorie, Doświadczenia”.
Badérné zaczekawienia: etnologiô Kaszëb, antropòlogiô religie i pòstsekùlarny zwrócënk, antropòlogiô transpòrtu, sztrategie sztôłtowaniô kùlturowi juwernotë, łączbë antropòlogie z lëteraturą.
