Joana Ginter (ùr. w 1985 r. we Gduńskù) – doktór hùmanisticznëch nôùków w òbrëmim jãzëkòznajôrstwa, absolwentka Filologicznégò Wëdzélu (pòlsczi filologie i kaszëbsczi etnofilologie) a téż Wëdzélu Prawa i Administracje Gduńsczégò Ùniwersytetu. W latach 2010–2016 meritoricznô (i jãzëkòwô) redaktórka we wëdôwiznie Nowa Era; òd 2018 r. adiunktka w Zakładze Pòlsczégò Jãzëka Institutu Pòlsczi Filologie GÙ. Aùtórka cziledzesąt artiklów a téż czile nôùkòwëch mònografiów namienionëch pòlsczémù jãzëkòwi i kaszëbiznie, wespółaùtórka szkòłowëch ùczbòwników do pòlsczégò jãzëka (serie NOWE Słowa na start! dlô spòdlecznëch szkòłów, To się czyta! dlô branżowëch szkòłów, Ponad słowami dlô strzédnëch szkòłów) a téż pierszégò kaszëbsczégò òrtograficznégò słowarza (Òrtograficzno-gramaticzny słowôrzk kaszëbsczégò jãzëka ze wskôzama pisënkù – wespółaùtór: Dark Majkòwsczi). Nôleżniczka Radzëznë Kaszëbsczégò Jãzëka, Gduńsczégò Partu Towarzëstwa Lubòtników Pòlsczégò Jãzëka, Kaszëbsczégò Institutu, Gduńsczégò Partu Kaszëbskò-Pòmòrsczégò Zrzeszeniô a téż Stowôrë Fòrum Redaktorów i Kòrektorów; słëchô do karna Telefòniczny Jãzëkòwi Doradnie GÙ i redakcje cządnika „Język – Szkoła – Religia”.
